Klas verskille

Dit wil my voorkom dat daar vyf klasse mense in Vanrhynsdorp woon:

• Diegene wat geld het en almal moet dit weet. Hul glo dat hul geld, nie hul persoonlikheid nie, hul verhewe hou bo die "plebs" wat nie soveel geld het nie.
• Daardie klein groepie wat hul nie steur aan hul finansiele status nie maar tyd het vir hul medemens. Die mense groet almal, ongeag. Hulle is daar vir hul medemens.
• Die groepie wat rustig hier kom bly het, die dorp en sy omgewing ondersteun, gewoonlik goed opgelei en belese hul lewe ly.
• Die windgat groepie wat in hul kliek hulself sien as "beter".
• Die finansieel gestremdes wat maar moet sien en kom klaar. 

Ek krap waar dit nie eintlik jeuk nie, maar dit maak my seer as ek sien hoe die lewe sommige mense verniel. En dat daar mense is in die dorp wat wel 'n verskil kan maak en tog nie iets doen nie.
En dan, dat daar profesionele mense is wat hul dienste vir geld verkoop maar vir wie die inkomste verhewe is bo hul taak om te dien?
Waar staan jy?